爆丼屋 (Moved) New Location

爆丼屋呢個名我細細個就聽過但礙於店人氣太高，成日排隊，一直未試到。今日趁早放，6點正即去即有位yeah!裝潢一貫日本店既木系和式枱櫈，乾乾淨淨，坐位都算闊落。店既Menu 每款都會有勁吸引既相，同埋列晒飯入面會有咩魚生，由於款款都影得好誘人，我落單前諗到頭都痕埋！🔹四重火山盛丼🔹貪心既人可以揀呢個，有齊晒名貴魚生，當然價錢都成正比。新鮮松葉蟹肉撕成絲，建議先食，因為佢味道比其他清淡。四塊比我姆指仲大既巨型海膽鮮甜，入口即化，三文魚籽亦粒粒鮮甜爆炸。主角拖羅蓉冇令人失望，但明明Menu 仲寫有赤身、甜蝦、劍魚腩、帆立貝同魷魚，原來都切成細粒係拖羅蓉內，有驚喜！🔹鵝肝海鮮盛丼🔹呢個簡直係罪惡，入口爆油既鵝肝令人回味，大件到同朋友share 岩岩好，仲有海膽同多到見唔到飯底既鮮甜帆立貝，加埋三文魚籽同黑魚籽呢啲配角，豐富到爆！帆立貝輕輕炙過，冇咁膩！加埋蛋漿撈飯，邪惡到極！食完後已經即刻約埋再黎試佢既三色海膽丼🤤