Video
Read full review
2019-09-26
1459 views
香港的緊張日子, 假日都盡量唔出街, 揀選平日出黎食飯輕鬆下~新城市廣場雖然係高危地方, 不過樓上食市就好安全~再次黎到丼吉日式吉列豬排專門店, 好掛住又脆口又不會油膩的炸物!2個人可以選擇二人餐, 乜都有D唔駛諗~ 今次揀左二人吉列大蝦.生蠔定食!ORDER完, 店員會提供芝麻俾你自己磨, 一邊磨, 芝麻香氣滿溢, 之後可以加入豬扒醬汁用黎沾食物~套餐已包括了前菜脆炸軟殼蟹, 有2隻勁大隻軟殼蟹, 炸得十分乾身及鬆脆, 完全無油膩感!另外主菜係拼盤, 有一件吉列豬扒, 2件吉列豬柳, 2隻吉列大蝦, 2件吉列生蠔吉列豬扒肉味濃, 有一隻手掌甘大塊, 炸物十分鬆脆, 內裡炸得有點乾身, 不過肉質幾林, 完全無根, 食到最後有肥膏的部位更加香口!吉列豬柳細細件, 肉質實淨, 有多點肉汁~吉列大蝦一樣有手掌甘長身, 勁大隻! 肉質較爽口, 粉醬不厚又鬆脆, 可以連蝦尾都食埋!吉列生蠔勁多汁, 好鮮味~套餐仲包埋漬物, 味噌湯 , 水果及 飲品, 飲品連果汁啤酒都可以揀選, 味噌湯 - 內有大量昆布及豆腐, 一隻蜆~西瓜汁~Sapporo七寶札幌啤酒另外仲有其他散叫的小食~吉列薯蓉 - 估唔
新城市廣場雖然係高危地方, 不過樓上食市就好安全~
再次黎到丼吉日式吉列豬排專門店, 好掛住又脆口又不會油膩的炸物!
2個人可以選擇二人餐, 乜都有D唔駛諗~ 今次揀左二人吉列大蝦.生蠔定食!
ORDER完, 店員會提供芝麻俾你自己磨, 一邊磨, 芝麻香氣滿溢, 之後可以加入豬扒醬汁用黎沾食物~
套餐已包括了前菜脆炸軟殼蟹, 有2隻勁大隻軟殼蟹, 炸得十分乾身及鬆脆, 完全無油膩感!
脆炸軟殼蟹
30 views
0 likes
0 comments
另外主菜係拼盤, 有一件吉列豬扒, 2件吉列豬柳, 2隻吉列大蝦, 2件吉列生蠔
二人吉列大蝦.生蠔定食
41 views
0 likes
0 comments
吉列豬扒肉味濃, 有一隻手掌甘大塊, 炸物十分鬆脆, 內裡炸得有點乾身, 不過肉質幾林, 完全無根, 食到最後有肥膏的部位更加香口!
吉列豬柳細細件, 肉質實淨, 有多點肉汁~
吉列大蝦一樣有手掌甘長身, 勁大隻! 肉質較爽口, 粉醬不厚又鬆脆, 可以連蝦尾都食埋!
吉列生蠔勁多汁, 好鮮味~
套餐仲包埋漬物, 味噌湯 , 水果及 飲品, 飲品連果汁啤酒都可以揀選,
味噌湯 - 內有大量昆布及豆腐, 一隻蜆~
味噌湯
20 views
0 likes
0 comments
西瓜汁~
Sapporo七寶札幌啤酒
另外仲有其他散叫的小食~
吉列薯蓉 - 估唔到勁好味, 內有粒粒薯仔粒, 有咬口, 而且調味十分好, 勁好味!
吉列薯蓉
15 views
0 likes
0 comments
大部份店員都親切有禮, 呢到仲有小朋友餐具提供, 唔怪得甘多大家大細黎食飯~
Post
