Video
Read full review
2017-05-19
287 views
灣仔既SOMETHING WILD上次食過都覺得唔錯，而家佢地開左另一間分店係旺角，主打係食海鮮既，當日行街經過見佢個SET甘平，所以就比佢吸引左入去試喇。呢到既裝修就當然係以海為主題，感覺都幾得意，唔知點解有少少覺得自己入左海洋公園入面D餐廳甘，哈哈。而且店舖幾大下，坐得好舒服。二人套餐A (焗波士頓龍蝦餐) $398呢個就係引左我入去既套餐，$398包例湯，餐包，沙律，龍蝦，PIZZA仲有埋餐飲，係呢個咩都貴既香港，你話係唔係好抵食先??沙律，羅宋湯沙律都算幾新鮮。個湯就有少少罐頭湯感覺，不過不失。海鮮拼盤(雙重芝士汁)海鮮拼盤有2個汁可以揀，我地就揀左雙重芝士汁。可能因為有D海鮮一齊焗，所以芝士味重得黎又帶淡淡海鮮的鮮味。波士頓龍蝦超多肉，仲要有膏架，而且肉質係爽，彈牙，絕對唔係D劣質貨。另外個拼盤仲有2隻大蝦、青口同埋海蜆，呢3樣野就一般般，唔算好特別。野玩手造薄餅(8吋) PIZZA有栗米，辣肉腸，同埋D墨西哥辣椒，佢個批底係比較厚身，外層脆，中間咬落好軟熟，而且加左墨西哥辣椒，辣辣地好好味，如果你驚辣既話揀走辣椒就得。跟餐甜品奶凍好似無咩味甘，而且感覺似雪左好耐。秘製德國
灣仔既SOMETHING WILD上次食過都覺得唔錯，而家佢地開左另一間分店係旺角，
主打係食海鮮既，當日行街經過見佢個SET甘平，
所以就比佢吸引左入去試喇。
呢到既裝修就當然係以海為主題，感覺都幾得意，唔知點解有少少覺得自己入左海洋公園入面D餐廳甘，哈哈。
而且店舖幾大下，坐得好舒服。
二人套餐A (焗波士頓龍蝦餐) $398呢個就係引左我入去既套餐，
$398包例湯，餐包，沙律，龍蝦，PIZZA仲有埋餐飲，
係呢個咩都貴既香港，你話係唔係好抵食先??
沙律，羅宋湯沙律都算幾新鮮。
個湯就有少少罐頭湯感覺，不過不失。
海鮮拼盤(雙重芝士汁)海鮮拼盤有2個汁可以揀，我地就揀左雙重芝士汁。
可能因為有D海鮮一齊焗，所以芝士味重得黎又帶淡淡海鮮的鮮味。
波士頓龍蝦超多肉，仲要有膏架，而且肉質係爽，彈牙，絕對唔係D劣質貨。
另外個拼盤仲有2隻大蝦、青口同埋海蜆，
呢3樣野就一般般，唔算好特別。
野玩手造薄餅(8吋)
PIZZA有栗米，辣肉腸，同埋D墨西哥辣椒，
佢個批底係比較厚身，外層脆，中間咬落好軟熟，
而且加左墨西哥辣椒，辣辣地好好味，如果你驚辣既話揀走辣椒就得。
跟餐甜品奶凍好似無咩味甘，
而且感覺似雪左好耐。
秘製德國豬手 $168雖然呢到係以海鮮做主打，但估唔到佢個豬手會甘好味！
好多出面的餐廳會整到D皮好un，但呢間做到個外脆內軟。
而且豬手好入味，就算唔落另上的汁都好夠味，推介！
唯一美中不足係酸菜有D唔夠酸。
Little Special $168/半打朋友見有蠔食，又唔貴，叫左半打自己食，
佢話好新鮮，雖然細細地但都幾甜。
食完真係有飽到上喉嚨既感覺，而且十分之滿足。餐廳幾貼心，會提供墊枱紙、手套、龍蝦夾、鉸剪，
等客人可以食得方便D。
另外呢到食物份量都幾大，一班FRIEND黎GATHERING都唔錯。
Post
