茶湯會 (新都城中心) (Closed)

自己鍾意食台式野，一排無食，突然心血潮，就去了茶湯會飲野。見到佢地有賣小食，被爆醬珍奶吐司 Bubble Tea Toast 吸引住，就點來一試。飲品點了珍珠紅豆拿鐵 Black Tea Latte with Pearls & Red Beans。首次食爆醬珍奶吐司，一切開後，珍珠一湧而出，俾我想像中多。珍珠口感煙煙韌韌，與奶醬好夾，甜度適中，不會太甜。珍珠紅豆拿鐵我選了微甜，飲的時候混入紅豆和珍珠，多重口感。下次再試下其他口味和小食。