菇比 (Closed)

有一日碌碌下IG，一眼就俾呢個田園風蛋糕吸引！真係好靚！🥰 一秒就決定，一定要訂！🙈當日，大家一見到個蛋糕，都嘩左出黎🤭。食個時，就個個都嗯🤭🥰。⭐️ 開心果草莓慕絲蛋糕賣相好睇唔使講，打卡一流！但同時，佢都係個有姿勢，有實際嘅蛋糕！👍🏻面頭有好多食用花，和“石頭”焦糖抹茶朱古力杏仁。入面有一層焦糖開心果醬，同用上開心果奶油😊。第一啖，已經爆香開心果味！開心果迷一定會好開心！🥰仲有一層草莓果醬，味道酸酸甜甜，令味道有種refresh嘅感覺，減少奶油嘅油膩感❤️。整體上，你會先品嘗到開心果味。當條脷開始麻木，就會品嘗到草莓醬味，而且中間會食到少少鹽巴，味蕾不停有新味道刺激，好有新鮮感🫶🏻。