Turkeyano

Open Now

Now Closed

行街經過見到呢間黃色店舖好搶眼，似係啱啱新裝修好，望吓原來係食土耳其卷、PIZZA、爆谷同雪糕！聞到好香，決定買返去做晚餐！🔸烤雞肉卷🫔 $78超級足料嘅卷，勁多餡，真係可以用爆餡嚟形容，餡料有雞肉、椰菜同洋葱，醬汁超多而且好惹味，真係好正，啖啖肉！🔸香辣雞肉薄餅🍕$138Pizza係即叫即整，拎到返屋企食仲好香脆，亦都好惹味！係薄批底，餡料有雞肉、芝士、洋蔥同橄欖，醬汁食食下都幾辣，好過癮！而且仲有附上一盒三色中東醬料，點埋食真係好香口！兩個人食叫10”已經好夠食，切開有6件㗎，味道真係唔錯，下次一定會再去幫襯！