八天堂 (Closed)

同朋友行開尖沙咀經過八天堂，呢間野曾經風靡一時，行過親都冇咩味道揀！熱潮過後終於有機會試吓，買咗一個吉士忌廉同埋紅豆味兩隻味！吉士忌廉唔會太甜，吉士味道唔會假！另外紅豆入面真係有好多紅豆，唔會好似平時啲紅豆甜品咁太過死甜，反而係食到紅豆嘅香味！忌廉餡料方面真係好多好多，一搣開個包就會爆出來，食嘅時候真係要小心啲！至於麵包方便唔會因為雪過而變到好硬，質感一樣好軟綿綿，可以一試！仲有好多其他款唔同口味，有時仲有季節限定，經過都可以買黎試吓！