阿杏飯團 (駱駝漆大廈第三座)

Open Now

Now Closed

今日去觀塘駱駝漆行街，見到呢度開咗間阿杏飯團，之前係尖沙咀分店買過食，超好味。同朋友都未食午餐，一於買嚟食。lunch 時間都幾多人買，仲要即叫即整，要等一等。同朋友一人揀一款，再交換一半食，一次試兩個口味。新宿燒汁牛扒飯團，燒汁牛扒厚身juicy。鹹蛋雞扒飯團， 鹹鹹香香，雞扒嫩滑，正。飯糰用紫糯米，徤康啲又有咬口。飯團餡料超豐富，香脆油條、生菜、肉鬆等等。茉香奶蓋綠，茉香香濃，奶蓋香滑，仲有啲紅豆點綴。椰果四季春，花香味清香，配埋椰果，好解渴呀。