Le Jardin à Soho (士丹頓街)

Open Now

Now Closed

鋪頭外觀好吸引,出面有盞射燈旋轉咁將店名照在地下, 好有格調. 入到去Waiter好快帶左我地上二樓, 二樓的位置更加闊落, 燈光特登調低左, 背景音樂循環住好聽的英文歌,好有feel好chill. Waiter的服務態度都好好,我地研究緊飲咩酒果時, 佢都提供好好的意見, 推介d易入口的酒俾我呢個唔多飲酒的人.前菜係煙三文魚牛油果沙律, d三文魚大大塊, 好好味, 調味岩岩好, 完全唔會好似平時食果d煙三文魚咁鹹, 加埋牛油果同埋沙律菜,好fresh.前菜仲有巴馬火腿跟莎樂美腸配哈蜜瓜, 鹹與甜的碰撞, 非常有趣. 跟住叫左個意大利鮮茄大蝦意粉, 個意粉真係好好食, 我同朋友一食落口都不約而同讚一句好好味.主菜的香草焗雞好嫩滑,完全唔會柴, 焗雞仲配有焦糖栗米, 超好味, 大推! 最尾甜品叫左冧酒提子配拖肥蘋果Pancake同埋檸檬伯爵茶Pancake, 兩款上面都配有雲尼拿雪糕, 兩個Pancake都係即整, 甜而不膩, 食完真係好滿足, 為呢一晚劃上完美句號