Video
Read full review
2021-02-26
1297 views
好耐無食爐端燒啦，今日心血來潮好想食，隨便上網搵咗間喺尖沙咀嘅爐端燒。 餐廳唔算好大，有吧檯同埋塌塌米，感覺好日式，我哋當然揀咗坐吧檯，可以同時欣賞師傅製作過程。 我哋揀咗2個lunch set，每個lunch set🍱包咗小食兩種、白飯🍚、湯🥣同主食。 呢度嘅小食同平時出面食嘅小食好唔同，全部都係御番菜，即係日本嘅家常小菜，平時去日本食魚生就食得多，家常小菜真係未試過，估唔到呢度有得試，感覺好特別。 炸魚南蠻漬有洋蔥🧄、葱，食落酸酸哋，感覺好開胃。 和牛舌生薑煮食落微辣，感覺醒神開胃。 鴨肉燒係凍食，有檸檬酸🍋同埋醬油香味。 築前煮有牛蒡、冬菇、蓮藕、芋頭同埋豬肉，味道都幾好。 博多風雞頸肉拌蛋黃柚子醋：雞頸肉平時絕對唔會食，不過見餐牌個名好似好吸引就試咗，果然無令我失望，雞頸肉燒得好香，食落好爽口，點蛋黃柚子醋酸酸哋，味道出奇地咁夾，送飯一流。 西班牙黑毛豬柳🐖好香，微焦口感食落微微香脆，肉質嫩滑，加少少檸檬汁都唔錯。 甜品星野村烘焙茶布甸有淡淡茶香味，布甸好滑，加少少紅豆蓉一齊食，個味道都幾夾。 天神布甸其實即係焦糖布甸🍮，店員話可以加啲海鹽或者檸檬汁嚟食，味道別有一番風味，不過
好耐無食爐端燒啦，今日心血來潮好想食，隨便上網搵咗間喺尖沙咀嘅爐端燒。
餐廳唔算好大，有吧檯同埋塌塌米，感覺好日式，我哋當然揀咗坐吧檯，可以同時欣賞師傅製作過程。
我哋揀咗2個lunch set，每個lunch set🍱包咗小食兩種、白飯🍚、湯🥣同主食。
呢度嘅小食同平時出面食嘅小食好唔同，全部都係御番菜，即係日本嘅家常小菜，平時去日本食魚生就食得多，家常小菜真係未試過，估唔到呢度有得試，感覺好特別。
炸魚南蠻漬有洋蔥🧄、葱，食落酸酸哋，感覺好開胃。
和牛舌生薑煮食落微辣，感覺醒神開胃。
鴨肉燒係凍食，有檸檬酸🍋同埋醬油香味。
築前煮有牛蒡、冬菇、蓮藕、芋頭同埋豬肉，味道都幾好。
博多風雞頸肉拌蛋黃柚子醋：雞頸肉平時絕對唔會食，不過見餐牌個名好似好吸引就試咗，果然無令我失望，雞頸肉燒得好香，食落好爽口，點蛋黃柚子醋酸酸哋，味道出奇地咁夾，送飯一流。
西班牙黑毛豬柳🐖好香，微焦口感食落微微香脆，肉質嫩滑，加少少檸檬汁都唔錯。
甜品星野村烘焙茶布甸有淡淡茶香味，布甸好滑，加少少紅豆蓉一齊食，個味道都幾夾。
天神布甸其實即係焦糖布甸🍮，店員話可以加啲海鹽或者檸檬汁嚟食，味道別有一番風味，不過又甜又鹹未必個個啱食😆
食飽飲番杯綠茶🍵消下滯先...綠茶味濃，而且可以無限添飲。
Post
