花說 (Closed)

約了一班女性朋友係長沙灣附近聽分享會，之前當然要醫吓肚，佢哋話食過返尋味，要再encore，少數都要服從多數，就要聽佢哋講，女性朋友就book定枱就係呢樹食吓午餐。幸好其中兩位朋友早到咗，拎定位，自己就由長沙灣地鐵站慢慢行去舖頭，其實都幾易搵，一開門，全間舖啲食客都係女仔，以為自己入錯舖，驟眼看原來有一位男仕坐係店裡食緊嘢，好在有佢先大膽入舖，爛佬走進少女風系之店。粉色全部都系粉色，店舖裝潢設計大部份都用上粉紅色，見朋友同其他食客都影相，自己都要影吓。又到聖誕，就到聖誕，舖頭亦都有聖誕感覺。自己叫了全日早餐C(牛油果、黑松露炒滑蛋、德國腸、煙三文魚、焗豆、薯餅、牛角包及沙律)整體好味道。朋友就叫了全日早餐B(大啡菇、炒滑蛋、煙肉、焗豆、德國腸、薯條、牛角包及沙律)叫到成張枱都係嘢食，嘢食好味之餘，大家都食得好開心。甜品一到，富士山蛋糕，外型特別，有props伴碟，店員非常貼心，預備了聖誕裝飾，放係枱面，俾我哋影相，又係影相位時間，味道中規中矩，不會太過甜。泡沫咖啡，咖啡味道香濃，提晨飲品。食店職員細心，值得一讚，打卡位多。