爭鮮迴轉壽司 (鴻威大廈)

Open Now

Now Closed

爭鮮而家真係周圍都有，三文魚就係必食嘅壽司亦都係佢哋嘅招牌。其實味道都唔錯而且好平，魚生而家都係$48一盒，記得以前食開$45，唔知幾時加咗價呢。但係相對個市場來講，佢個性價比真係極高。佢一盒壽司都係賣緊$30到$40，呢個價錢你仲可以喺邊度搵到? 同埋佢啲嘢咁平，一定日日清，所以即使食材唔係好靚，但都算係新鮮。有時過吓癮，當做宵夜食真係好唔錯。值得一提嘅係佢嘅罐頭粟米，$7一罐，真係抵到爛。買返屋企嗰啲牛油炒返熱佢，做個牛油粟米，當一餐，真係好爽。如果講好食來講佢雖然唔係特別好食，但係以呢個價錢嚟講，佢真係算唔差。