日本野 (Closed)

疫情關係睇怕今年都去唔到日本，唯有去食日本野呃下自己當去左。餐廳環境唔錯和式格調簡潔乾淨，價錢經濟，美食多元化，各種日式料理、刺身、熱石燒、鍋物統統有，食下丼飯都唔錯的。厚燒鰻魚玉子 +$38厚厚的玉子口感軟彈，包住邪惡嘅芝士和肥美嘅鰻魚非常足料，仲有粒粒蟹籽口感豐富。配以黑松露沙律醬極為美味，有埋咸鮮味嘅木魚花，咸甜交集相當美味。遇上咁好味的玉子燒，實在好幸福。此乃必食之選值得推介。和風柚子雞翼 +$58雞翼炸得香脆肉嫩，淋左柚子醬酸酸甜甜清新開胃不油膩。浦燒鰻魚定食 $118原條鰻魚望見滿足，魚肉肥美肉質軟腍無碎骨，飯粒粒分明，自行淋上鰻魚醬汁美味非常。咖哩吉列豬扒丼 $98吉列豬扒炸得金黃外脆內嫩，咖哩汁不多，難滿足好醬汁的我。焦糖燉蛋 $58面層焦糖香脆，燉蛋口感細密幼滑，充滿蛋香，水準不俗。菠蘿雪葩 $78賣相唔錯，味道清甜可口，啖啖菠蘿果香。夏天食涼透心，爽呀！蟹籽沙律和麵豉湯 (跟餐)青瓜爽脆乾身，沙律份量唔多可一啖ＫＯ。麵豉湯不算濃味道還可以。飲品 (跟餐)凍檸荼凍檸水正正常常，甜度適中。