麻辣派對 (瑞生酒店) (Closed)

天氣開始潮濕炎熱，個人冇乜胃口，係時候食返啲辣嘢，於是揀咗麻辣派對同朋友食飯。以前都嚟過佢除咗裝修好靚，仲有好多梳化位坐得好舒服。麻辣雞鍋🌟一個雞煲有半隻雞，我哋叫咗BB辣，就咁食雖然有啲辣，但係配埋白飯就啱啱好，都幾多雞肉好惹味。古法咕噜肉🌟以為呢度淨係食麻辣嘢出名，原來小菜都好出色。今次叫咗呢個咕嚕肉，就算撈勻晒甜酸醬都仲食到佢好脆嘅口感，而且炸粉好薄，入面嘅肉好稔好易咬。麻辣小麵🌟每次嚟都一定要叫小麵，因為啲面食落真係好滑，好似一下就吞咗落喉嚨咁。凍蜜語水果茶🌟可以揀少甜少冰健康啲，除咗嘢飲有水果味，仲有好多生果。紅豆沙🌟就快食完時店員送上飯後糖水，有好多紅豆喺入面好足料，食啲糖水好解辣。