Relax B&M

Open Now

Now Closed

其實好耐冇來大尾督喇，以前嚟親都係好chur踩單車入嚟，之後一大班人去BBQ，但係原來休休閒閒嚟，行下沙灘，行下水霸，睇下日落，反而仲開心。日落之後就揀左呢間café試下，想飲下野坐下，意外發現舖頭有好多貓貓，好可愛。烤肋眼牛扒 ($278)牛扒好大塊，好淋身。呢個仲係set dinner，有湯、有野飲同埋有甜品。個湯如果冇記錯係有紅腰豆，好特別，我都係第一次飲，幾中意呢個味道。荔枝玫瑰檸檬梳打正正常常，唔會好甜。黑糖雪糕好味，仲有cream係上面，大愛。軟殼蟹墨汁意大利粉 ($128)最驚訝係個墨汁意粉，軟殼蟹都幾大隻，算多肉，所以有少少外脆內軟嘅感覺。墨汁意粉本身以為會食到成個咀都係，不過原來佢係掛左其他汁嘅，味道幾唔錯。蕎麥茶 ($50)天氣凍又食左咁多野，我就叫左個熱蕎麥茶來消濟同排毒，暖笠笠。唯一sad嘅就係我唔成功影到靚嘅貓貓相。