大將 (Closed)

今日係父親節 我哋嚟到大將日式火鍋放題 慶祝特別日子 試咗$278嘅Prime牛肩肉套餐 😋 餐廳提供多種湯底選擇 由於每人一鍋 所以我哋嗌咗沙嗲湯底 蕃茄湯底 壽喜燒湯底同雞白湯底 每樣都試吓 🥘湯底方面 沙嗲湯底帶有香濃嘅沙嗲味 唔會太辣但好開胃 蕃茄湯底酸甜適中 非常清新 壽喜燒湯底甜甜地 特別適合配牛肉 雞白湯底濃郁 味道非常豐富 最好食都係壽喜燒湯底 😋 自助吧有好多醬料選擇 可以自己調配 真係好方便熟食自助區有好多選擇 啲嘢食都幾好食 尤其是蔬菜同火鍋配料 新鮮又多種類 🥬 飲品方面 種類繁多 可以任飲 甜品區真係最吸引 可以自製窩夫 刨冰同軟雪糕 真係好開心 🍨第一轉已經夾咗好多好好食嘅牛肉同新鮮嘅沙白蜆 特別係滑牛 真係值得一試再試 🥩 唯一不足嘅係 加單速度比較慢 要等一陣 但係整體嚟講 食物質素真係唔錯 👍之前睇過好多食評話佢哋嘅態度服務唔好 但係今次嚟到現場 我感覺唔差 服務員態度都幾好 亦都幾有效率 整體嚟講 呢次嘅父親節日式火鍋放題體驗真係非常滿意 值得推薦 😊