The Kitchen

Open Now

Now Closed

抗疫期間盡量忍耐減少外出，但長期同屋企人你眼望我眼都唔係辦法，見疫情稍有緩和就同家父出去舒展下筋骨，呼吸新鮮空氣。是日本來想由東涌經老虎頭郊遊徑去愉景灣，但行到一半落起毛毛細雨，決定轉路線直落梅窩。喜歡梅窩小區氛圍，試過幾間舖頭之後每次嚟都幾乎幫襯同一間意式餐廳，地方細細但用料新鮮，食得出有心機整。Pepperoni Pizza (S) $128兩個人叫咗細份，批底雖然薄但有成十一、二吋大，視覺效果十足。簡單點咗辣肉腸口味，辣肉腸唔會太油太鹹，加上蕃茄醬香草味濃郁同拉絲芝士，惹味好食。Mushroom Carbonara $108一般出去食意粉都係一人份量，依到同樣份量十足。與其話係Carbonara，不如話係蒜香意粉，因為真係超級超級多蒜；意粉似手造tagliatelle，彈牙有咬口，以多汁portabello、白蘑菇、芝士同新鮮parsley做配料，調味濃又入味。另外叫咗杯啤酒俾阿爸嘆下，聽到佢同朋友講人生最快樂莫過於此，心入面默默覺得好感動，滿足矣。