Video
Read full review
2022-06-18
678 views
【#飲茶精選🍵 】#明星海鮮燒鵝專門店（西環）今日做番次「孝子」，一向與家父關係都非常一般，甚至已去到「惡劣」，所謂「無仇不成父子」，亦有人話「兩仔爺冇隔夜仇」，關係撲朔迷離。早前佢睇到明星有 #龍蝦伊麵 優惠$188話想食，就決定今日去。個優惠飲茶時段都可以叫，所以中午就去食。心裡本身對明星冇乜期望，對龍蝦就更冇希望，隨時係隔夜唔新鮮貨色。上湯焗西澳龍蝦，肉質比較「鞋口」，對老人家來講進食有難度，味道亦偏淡。反而上湯撈咗伊麵之後個麵底幾好食，有少少咸味。另外叫咗其他野反而有驚喜🤣 老豆食龍蝦麵，我就食 #油雞瀨粉，$31，原來都幾大碗，亦幸運地有個髀位♥ 味道偏咸少少但可以接受，不個碗粉上檯時都幾恐怖，成餅粉夾得起🤢 我要漫返落湯度等陣再食😒阿媽叫咗 #雪山叉燒包，依個都幾好食，中點算係抵食，外脆內軟，味道同樣偏咸少少😊仲有一個大點既 #鮮蝦腐皮卷，皮都算薄料都比足，美中不足個皮唔夠脆。原先以為老豆冇牙食，點知佢話好食最後食咗一半🤣茶💰$10@坦白講$188龍蝦真係唔算好抵，而且味道又唔夠，亦唔算新鮮，唔太化算，將依舊錢轉叫其他炒粉麵都仲有好多淨😅 純粹滿足老豆需求而叫。埋單$340
今日做番次「孝子」，一向與家父關係都非常一般，甚至已去到「惡劣」，所謂「無仇不成父子」，亦有人話「兩仔爺冇隔夜仇」，關係撲朔迷離。
早前佢睇到明星有 #龍蝦伊麵 優惠$188話想食，就決定今日去。
個優惠飲茶時段都可以叫，所以中午就去食。心裡本身對明星冇乜期望，對龍蝦就更冇希望，隨時係隔夜唔新鮮貨色。
上湯焗西澳龍蝦，肉質比較「鞋口」，對老人家來講進食有難度，味道亦偏淡。反而上湯撈咗伊麵之後個麵底幾好食，有少少咸味。
另外叫咗其他野反而有驚喜🤣 老豆食龍蝦麵，我就食 #油雞瀨粉，$31，原來都幾大碗，亦幸運地有個髀位♥ 味道偏咸少少但可以接受，不個碗粉上檯時都幾恐怖，成餅粉夾得起🤢 我要漫返落湯度等陣再食😒
阿媽叫咗 #雪山叉燒包，依個都幾好食，中點算係抵食，外脆內軟，味道同樣偏咸少少😊
仲有一個大點既 #鮮蝦腐皮卷，皮都算薄料都比足，美中不足個皮唔夠脆。原先以為老豆冇牙食，點知佢話好食最後食咗一半🤣
茶💰$10@
坦白講$188龍蝦真係唔算好抵，而且味道又唔夠，亦唔算新鮮，唔太化算，將依舊錢轉叫其他炒粉麵都仲有好多淨😅 純粹滿足老豆需求而叫。埋單$340。
推介指數：4/10
係度祝各位 #父親節快樂♥
#港飲港食 #飲茶 #西營盤
#父親節 #孝子
Post
