Outback Steakhouse (MOKO新世紀廣場)

Open Now

Now Closed

幫襯咗moko outback好多年，仲記得第一次一家人去食好有驚喜，食咗免費送新鮮出爐既黑糖麵包，因為太好食，又會嗌第二個，牛扒都好有驚喜，好懷念那時候食到美食的開心。但原來時間真係會沖淡一切…… 今年父親節一家人睇完九龍城寨支持下香港電影業，去咗outback慶祝，本想可以支持下香港飲食業，點知換來的是有一次的失望。新鮮出爐既黑糖麵包已經變咗工場出品，乾柴而有酸味，豬扒的配菜係變咗味變咗色，豬扒質素麻麻，雞扒三文治凍而麵包乾柴，最後食剩咗大半個，薯條都係乾爭爭，唯一味道還可以的就係個闊粉和沙律。沙律都算新鮮，雖然不需要什麼廚藝。食咗餐咁樣質素既晚餐，影響曬父親節的心情。早知道在家自己煮慶祝算了，又或者去深圳食玩一條龍啦。 在現今香港社會租金貴，人工貴既大環境下，餐飲業主要支出都花費在租金和人力上，食物成本已經被壓縮到得一兩成，加上香港工時全球最長，侍應和廚師工作得唔開心，服務質素下降係好自然既事，唔會再抱什麼期望了，大家好自為之吧