聚豐燒鵝小廚

Open Now

Now Closed

講到A爸嘅飯堂，當然係A媽廚房啦！但有啲嘢屋企真係難整啲，例如燒鵝、燒臘同煲仔菜，呢啲花功夫嘅菜式又真係出街食會方便啲，所以元朗嘅聚豐燒鵝小廚就成為A爸嘅名人飯堂，佢嘅推介認證當然係皮香肉嫩嘅燒鵝啦！姬松茸螺片燉老雞湯一餐飯裏面，A爸可以無甜品，但就唔可以無湯。呢個姬松茸螺片燉老雞湯相當足料，所以味道十分清甜，螺片又香又有口感。燒鵝下庄元朗聚豐燒鵝小廚嘅名物，當然係燒鵝啦！燒鵝皮充滿光澤，一咬落會發出咔嚓聲，烤得相當香脆。而鵝肉方面，好多嚿都係連住少少肥膏，皮脆肉嫩又帶有鵝油香，果然係鎮店之寶。豬膶滑雞煲元朗聚豐燒鵝小廚嘅煲仔菜都唔可以忽視，每個煲上枱都夠晒熱辣辣。而呢個豬潤雞煲都做得相當有水準，每嚿雞件都微微走左油，保持肉汁。軟稔豬膶吸收左雞汁同蔥頭芹菜等配菜嘅味道，相當惹味。魚香茄子煲魚香茄子煲算係送飯首選，茄子炆得夠淋之餘，仲非常入味，加上帶有咸香嘅鹹魚碎，嗌多兩碗飯都仲得呀！