Babbo Trattoria (Closed)

說來慚愧，直到呢一刻我其實連餐廳名Babbo Trattoria都仲未識讀，只因為食完實在覺得CP值太高，所以不得不推介一下。講番餐廳名，原來意大利文解作「爸爸的小餐館」，光是聽名已經有種家常感覺呢。呢度比較出名既頭盤係「凱撤沙律」，值得一提係芝士片由現場重約25Kg既巨型芝士GranaPadano即場刨製出來，撈埋爽脆既羅馬生菜食零舍滋味。「凱撤沙律」($118)「香煎帕爾馬火腿帶子(日本)」($118)聽餐廳介紹，Parma Ham用上15個月以上風乾火腿，配帶子入口，食起來肥而不腻。爽軟帶子配上西西里caponatasauce，少少酸甜，不失係一道開胃頭盤。「風乾蕃茄忌廉雞肉意粉」($138)意粉口感雖然唔算彈牙，好在醬汁煮得濃郁得黎唔會太creamy，雞肉又煮得入味，味道剛剛好。西西里辣味鮮蝦薄餅 ($178)呢度薄餅最大特色係用窯爐高溫明火烘烤，所以食上去有種特別碳燒味。芝士又以Mozzarella Cheese芝味最重，感覺仲有點邪惡......不過既然好食又邊計較得咁多呢……食完咁豐富一餐，最後先知原來係台灣廚師主理既意式餐廳，難怪味道更切合亞洲人口味。