緣味小聚 (金百利廣場) (Closed)

我早排同朋友討論一下有啲乜嘢餐廳好介紹嘅時候，朋友就介紹咗我話銅鑼灣區有一間好抵食嘅海鮮任食蒸鍋！於是就帶埋男朋友過咗去呢一間緣味小聚！一去到嘅時候真係非常之大嘅驚喜就係好抵食！180分鐘任食海鮮蒸，仲有打邊爐同埋其他唔同嘅小食！身為一個好鍾意食海鮮嘅人，當然唔少得要試吓唔同款式嘅海鮮啦！整體來講，呢度嘅海鮮都非常新鮮同埋好食嘅，我自己都好鍾意食呢度嘅琵琶蝦！琵琶蝦大大隻，蝦頭嘅位置仲要好多下高，一旦擺落口嘅時候啖啖肉真係好爽！卜卜蜆亦都係非常鮮甜，雖然細細粒，但係食落去都係好飽滿同埋好有鮮味！另外仲有呢度最出名嘅特色點心，都係好高質！唔同嘅糕點種類都各有特色，我都好建議大家試一試！