金田日式放題 (Closed)

與同事慶祝生日。預先訂了位晩巿 時段8：30，所以不用等位，看order紙後幾乎全部都想點，食物款式有刺身，壽司，軍艦，手卷，鐵板燒，串燒，一品料理，煱物，炸物，天婦羅，燒物，沙律等等.....Firstly, order了任飲，每位要加$12任飲韓國啤酒，對於我們3個男生來說，當然非常超值。之後再order刺身/壽司......全部都好得，三文魚同北寄貝最鮮甜，食了好多round! 海螺就同一般冰鮮螺肉，冇味，當然冇新鮮螺肉咁鮮甜菜夠新鮮加埋雜錦魚生粒，又酸酸地幾開胃串燒牛舌一定要讚，肉質彈牙，加上一些黑椒，香口美味。蠔肉真係太細，但味道ok，建議食炸蠔，因為大隻好多。一直食一直飲啤酒，一個字，爽！突然記起order了泡菜海鮮鍋，還未到，便立即通知職員追單（曾經遇過這種情況，職員通常不會理會我，所以心想，算了！點其他食物吧！）怎料，經理走過來向我了解情況並道歉，表示已通知廚房安排，多等10分鐘！經理很有誠意，最後過了5分鐘左右，經理便送上泡菜海鮮鍋了！讚！