京香閣 (Closed)

尋日夜晚同屋企人去咗上環無極限廣場食京香閣放題。我嗌左$268龍蝦放題套餐🦞，比起虎蝦$228🦐，只係相差$40🤑建議大家食啖啖肉嘅龍蝦🦞另外仲有限定每人一碗嘅花膠蟲草雞湯可能因為過年前後，所以比較多人，我地見片皮鴨嘅refill速度好快！而且佢係自助形式，每人一次最多夾四片片皮鴨，食幾轉都已經回本！😻其餘另一邊嘅自助區有好多款特式京菜任你食，除此之外仲有salad，啱晒我呢啲懶健康嘅人，自助區又有餸有飯又野飲，當中好推介大家食萵筍、 翡翠蝦仁、酸菜魚等。全部都係新鮮熱辣出爐，refill速度亦快。總括而言，京香閣放題真心抵食，如果一大班人一齊食嘢唔知食乜或者唔知就得邊個，黎呢度係唔錯嘅選擇。