古琴雅苑 (太子集團中心)

Open Now

Now Closed

尖沙咀店開業幾日，就同朋友去左試，留意返book位分兩個時段，一係6點，一係8點。我地一去到就上左d涼菜俾我地，辣辣地既豆腐同木耳。我地叫左精美四小拼，個人麻麻地凍既菜式，所以...得雞絲粉皮同黃瓜蝦米係好食。個小籠包都唔錯，係紅蘿蔔做底，又幾好食～試埋佢個帶子賽螃蟹，唔錯，不過帶子係好薄一片。年糕控既我點都要試埋佢隻上海炒年糕，有媽媽煮既味道～終於到戲肉喇，師傅過黎即席片片皮鴨俾我地食喇～師傅真係好快手，即刻片起幾塊俾我地點砂糖食，係入口即化！其他就放係鴨碟度，等我地可以俾手機食先，配料當然唔少得大蔥，甜醬，黃瓜，呢度最緊要係仲有哈蜜瓜，配埋個片一齊食，好正！我地三個人叫半隻鴨，係需要叫多籠皮。加30可以要多籠，每張皮係有紙隔住，唔怕痴住～唔記得係咩原因，總之送左三碗腰果露我地食，因為前面既餸太好食，我地食得實在係太飽喇，所以覺得甜品一般般。三個人埋單人均270。過左幾日我都有再去幫襯，順便寫埋呢餐無叫到既擔擔麵，都好好食，又大碗！