京滬佳餚 (The LOHAS康城) (Closed)

大家都知搵到一家唔錯嘅中餐餐廳並不易。 中餐不僅需要食材嘅新鮮度，仲需要大量嘅烹飪技巧。 而家好多好師傅都退左休啦......今日啱啱同家人喺將軍澳食咗一餐生日晚餐。  我真係好鍾意一道菜，叫北京填鴨，相信大家大部分人以前都食過，但要搵到一道好食嘅並不易哈哈，呢度嘅北京填鴨就相當唔錯。 鴨燒得岩岩好，外皮酥脆多汁，而且餐廳提供嘅配料好多，我特別鍾意山鴨楂，有啲酸，同鴨一齊食簡直完美，成道菜好豐富，又多色彩~ 我哋仲啲埋啲其他名菜同點心，比如小籠包、蔬菜春卷、水口雞。我都幾鍾意呢度嘅小籠包，包皮唔會太厚，入面嘅豬肉多汁，蔬菜春卷都炸得好好，唔會太乾。我哋仲叫左啲蔬菜小炒，調味都唔錯，蔬菜新鮮。總的來說，食物唔錯，價錢合理。