京香閣 (Closed)

中國有八大菜系，而我最鍾意既唔係粵菜，而係京川滬菜！特別係小籠包、肴肉、口水鷄、片皮鴨等等。最近就發現左上環【京香閣】有晚市片皮鴨放題自助餐，二話不説就走去試左！佢有兩種價錢選擇，龍蝦$268、虎蝦$228, 額外送一份蟲草雞湯。除左前面3樣，其他前菜、小菜、點心、粉麵小炒、片皮鴨、甜品、飲品都係任飲任食！片皮鴨同飲品都係自助形式、其他就要點，而且都係即叫即整！片皮鴨會現場片，而且會源源不絕禁供應！皮燒地超脆，但唔油、肉都好juicy好鮮嫩！個麼麼皮超級薄、除左葱同青瓜之外、仲有哈密瓜夾，非常特別！其他食物都好高quality，尤其手撕麻醬鷄面、點心等等，一D都唔馬虎！不過辣野都偏辣，我本身食辣都覺得有D辣！龍蝦、虎蝦都可以選擇自己鍾意既煮法，龍蝦就選擇左芝士、虎蝦就燒汁。肉質非常彈牙、鮮嫩爽甜！甜品都非常不錯！强烈推薦雷沙湯圓！