牛大人台灣火鍋吃到飽 (形點 II)

Open Now

Now Closed

天氣轉涼，最好就係打邊爐，今次帶埋美國🇺🇸回港探親既哥哥及嫂嫂一行七人一齊去元朗Yoho Mall 形㸃II 食牛大人台灣火鍋，我哋揀咗澳洲M5極上和牛餐，正價時段成人每位$328，有長者/ 小童優惠$228👍🏻。有10款湯底可選擇，七個人可選擇兩款，揀咗阿嬤養生濃湯鍋及牛大人紅燒牛骨鍋，我最喜歡食澳洲和牛M5牛肩卷，牛肉味濃郁又肉質軟滑，安格斯特選牛小排肉味也不錯，每人送兩粒澳洲M9和牛牛丸，牛肉味好濃，正吖！ 海鮮有蝦，脆肉鯇魚，鯛魚片，花膠，沙白，蟹子墨汁滑等等，全部都好新鮮。外面自助區域，有數款蔬菜可以任攞，例如堂奧、油麥菜、生菜、皇帝菜，亦都可以在Apps中選擇台灣水蓮，一樣都係全部好新鮮。自助區域，亦都可以任攞多款自家制茶飲，罐裝汽水及其他飲品。QR code 又可以叫其他台式特飲，一樣咁高質素。甜品方面， 可以選擇台式仙草凍，裏面有仙草凍、紅豆、粉粿，仲可以選擇走唔走奶，適合唔同人士食用。另外，亦都可以喺自助區攞Häagen-Dazs雪糕，有唔同口味，真係十分滿足了。員工有禮貌，食物上枱速度快，不停收碟，主動提我匯豐卡找數有九折優惠，值得一讚。