Urban Bakery (Closed)

本來真心諗住做運前食少少野，就試下呢間既牛角包。 有餡既即整牛角包望落非常吸引，陳列展示既包包好似係真的！所以見到更加想試！- 牛嫂（$48）：有成寸厚既午餐肉、芝士、煎蛋，牛角包用左菠蘿牛，即菠蘿牛角包！上層係酥皮菠蘿包，脆得黎又好香牛油味，但因午餐肉太厚，所以有dd偏咸，不過overall都好味既，好滿足～（完全唔記得要做運動⋯）- 另一日又去諗住試第d味，但因為時間太趕就食個現成既芝士蛋糕（New York Cheesecake $35 買一送一！），芝士味頗濃，餅身唔會太硬，但餅底用餅碎壓成 好碎身又有紙皮味⋯如果換餅底會好d.仲有d泡芙同綠茶蛋糕幾吸引，下次可以一試。