Video
Read full review
2018-08-04
1217 views
終於捱過在四川雲南之旅！！！(無辣不歡嘅人話我咁講折福？Sorry，雖然正宗，但食幾星期一味鹹嘅紅油菜，碟碟一樣味，你就會掛住HK) 返到嚟當然要食返啲「有味道」(即味道有變化，唔係濃味)嘅嘢！呢間餐廳本體係韓菜，但亦加入唔少日菜元素，連背景音樂都係日韓交替。呢度有兩樣主打，分別係吉列牛同忌廉烏冬，因為可以自己落手燒，吉列牛感覺較吸引~枱面呢個爐仔就係為吉列牛而設~要食吉列牛只能點定食或者套餐，冇得散叫，雖然要$148，但牛幾多而且唔係度度有得食，好值得一試。熟悉嘅外皮，包住嘅卻係我未試過咁食嘅牛肉。吉列皮雖然炸得金黃，但入面嘅牛肉仲係全生架！起初以為燒到剛熟係最好，但因為肉切得夠厚，而且冇筋，肉燒至微焦，肉芯仍而係淡粉紅，呢個時候食油香最足，肉質軟腍腍，timing最好！吉列皮調味略鹹，所以唔點任何醬料已經夠晒味。不過如果唔鍾意太油，建議點燒汁減低飽膩感。定食配大碗白飯，不過米粒唔係超飽滿，未見驚喜。定食包杯$20汽水，其他補差價。Passion Punch見到熱情果籽，飲落味道天然。梳打水減低咗果汁甜度，成杯飲落好解渴。朋友嘅Citrus Ocean顏色襯晒個名。底層係柚子蜜，記住
呢間餐廳本體係韓菜，但亦加入唔少日菜元素，連背景音樂都係日韓交替。呢度有兩樣主打，分別係吉列牛同忌廉烏冬，因為可以自己落手燒，吉列牛感覺較吸引~
吉列牛定食
$148
27 views
0 likes
0 comments
枱面呢個爐仔就係為吉列牛而設~要食吉列牛只能點定食或者套餐，冇得散叫，雖然要$148，但牛幾多而且唔係度度有得食，好值得一試。
熟悉嘅外皮，包住嘅卻係我未試過咁食嘅牛肉。吉列皮雖然炸得金黃，但入面嘅牛肉仲係全生架！
起初以為燒到剛熟係最好，但因為肉切得夠厚，而且冇筋，肉燒至微焦，肉芯仍而係淡粉紅，呢個時候食油香最足，肉質軟腍腍，timing最好！
吉列皮調味略鹹，所以唔點任何醬料已經夠晒味。不過如果唔鍾意太油，建議點燒汁減低飽膩感。
定食配大碗白飯，不過米粒唔係超飽滿，未見驚喜。
定食包杯$20汽水，其他補差價。
Passion Punch見到熱情果籽，飲落味道天然。梳打水減低咗果汁甜度，成杯飲落好解渴。
Passion Punch
$38
18 views
0 likes
0 comments
朋友嘅Citrus Ocean顏色襯晒個名。底層係柚子蜜，記住攪多幾下先飲~
Citrus Ocean
$38
29 views
0 likes
0 comments
除咗主食，小食亦有唔少選擇。
蒜片炸到脆卜卜但唔油，帶點蒜頭嘅苦味。牛舌芯好嫰，調味唔over。份量唔多，價錢可能高咗啲，但味道唔錯。
呢餐食到吉列牛覺得同吉豬係完全唔同嘅體驗，入口軟綿綿，外層脆卜卜。如果嚟呢度食飯一定要試。
Post
