Video
Read full review
2004-10-12
18 views
國慶節睇完煙花後就同女友到尖沙咀一帶搵食，原先計劃到Main St.試試巨型漢堡，但路過見店內鬼影都無隻，遂轉移目標到北京道一號既三藩市牛扒屋。鄰店火間土等位既人唔少，但牛扒屋則直行直過，暢通無阻。店內面積比想像中既細，不過景係幾靚的，相信睇煙花時會幾熱鬧。頭盤選了煙三文魚配鴨胸($68)，鴨胸僅熟跟煙三文魚味道幾夾，不過份量實在太細，唔多夠喉。時間配合唔錯，兩款主菜同時上檯，女友點既芝士煙肉漢堡($98)其實係我既主意，事關自己都幾鐘意呢類口感實在既菜式。漢堡選了五成熟，配有生菜、生洋蔥等，味道係想像中既美味，但又略遜於Dan Ryan，問題相信出於牛扒屋既漢堡牛肉係免治既一種，食落缺乏了原塊牛肉硬橋硬馬既感覺，不過總括來講都係滿意既；伴碟既薯條係原個馬鈴薯切條而成，屬粗條一類，雖則唔係女友喜愛既紐紋薯條，但此品炸得鬆脆而又呈金黃色，食到女友停唔到口，甚至出現爭食情況，認真羞家。侍者將終極主角炭燒西冷牛扒($288)端到跟前，Medium Rare既西冷外表略焦，切開流出少量血水，火候控制得唔錯。西冷入口有淡淡既焦味，個人而言並唔介意，雖然西冷充滿肉汁，但牛味唔濃郁，有一絲既失望，而
鄰店火間土等位既人唔少，但牛扒屋則直行直過，暢通無阻。店內面積比想像中既細，不過景係幾靚的，相信睇煙花時會幾熱鬧。
頭盤選了煙三文魚配鴨胸($68)，鴨胸僅熟跟煙三文魚味道幾夾，不過份量實在太細，唔多夠喉。
時間配合唔錯，兩款主菜同時上檯，女友點既芝士煙肉漢堡($98)其實係我既主意，事關自己都幾鐘意呢類口感實在既菜式。
漢堡選了五成熟，配有生菜、生洋蔥等，味道係想像中既美味，但又略遜於Dan Ryan，問題相信出於牛扒屋既漢堡牛肉係免治既一種，食落缺乏了原塊牛肉硬橋硬馬既感覺，不過總括來講都係滿意既；
伴碟既薯條係原個馬鈴薯切條而成，屬粗條一類，雖則唔係女友喜愛既紐紋薯條，但此品炸得鬆脆而又呈金黃色，食到女友停唔到口，甚至出現爭食情況，認真羞家。
侍者將終極主角炭燒西冷牛扒($288)端到跟前，Medium Rare既西冷外表略焦，切開流出少量血水，火候控制得唔錯。西冷入口有淡淡既焦味，個人而言並唔介意，雖然西冷充滿肉汁，但牛味唔濃郁，有一絲既失望，而且整塊西冷偏肥，單計牛扒唔多值此價錢；
由於女友有薯條，所以西冷改配焗薯，焗薯Size比一般既大些許，伴以酸忌廉跟蔥粒實在令人食上癮，不過最大敗筆乃刻意吩咐侍者落多點既煙肉粒。一向對焗薯既煙肉粒有偏愛，愛其咸香脆口，但此店煙肉粒無香無味，食左都唔知係咩野，都幾離譜；另伴碟既還有炒雜菜，味道同樣不俗。
餐\後再Order了朱古力蛋糕伴雪糕($42)，暖暖既蛋糕上放住一球綠茶雪糕，感覺怪怪的。蛋糕偏淡味，並非中間漏漿既一種，比較平庸；有驚喜既係雪糕與蛋糕之間既焦糖香蕉，外脆內軟，口感特別，唔錯。
餐後望見後面檯既西人邊飲紅酒邊嘆牛扒，十分疏乎，可惜本人唔識飲紅酒，要扮都扮唔黎。埋單$545.6，單就食物質素係唔值此價，但計埋環境等因素，耐不耐一餐都無咩所謂。
餐後又散步到Main St，見內裏仍然空無一人，歸家又見此店一個食評都無，很是神秘。
Post