hEat (Closed)

友人就快生日，就約佢食高級地中海菜預祝。呢度裝修得好有格調，每張檯之間距離很大，好適合同朋友傾計。友人點左生蠔、熟成牛扒、海蟄蝦同朱古力慕絲。餐廳提供嘅生蠔有兩種，分別係Fine de Claire同Daniel Sorlut。Fine de Claire嘅海水味比較重，口感爽口。而Daniel Sorlut食落則比較柔滑同清甜。整體而言兩款都好鮮甜，配上酸甜嘅青芒果汁或辣汁好開胃。經過45日熟成嘅牛扒，外皮少少脆，肉質好嫩滑，食落肉味好濃郁仲有好香嘅油脂味，即使唔點醬都好好味！店外有熟成牛肉櫃，好專業。北歐海螯蝦燒得金黃色，蝦肉鮮甜彈牙，有啲仲帶有香濃嘅蝦膏，好食到停唔到口。開左邊嘅蝦食得好方便，又唔怕整污糟。朱古力慕絲質感好幼滑，朱古力味好濃好甜。侍應們都好好服務，會講解每樣食物，又會定時定候添水。