JC Room (Closed)

當日聽朋友推介話呢一間餐廳幾好食，咁我就過來試一試。朋友話燒雞好食但店員話只有下午供應（夜晚無得食）咁算啦諗住叫一人一塊扒，叫一個小食咁開頭沙律都唔錯小食雞翼5隻一般但到左塊牛扒真係出曬事。頭盤〉小食〉主菜，佢就咁樣上，但我塊野唔知點解係凍嘅。照計應該即叫即煎，就算我頭盤食半個鐘都唔會咁。無錯佢連上面個牛油都溶唔到。咁點解我話佢食物質素一般？因為佢塊牛係勁難切開同有勁多筋，再奇怪係女店員雖然非常主動介紹但沒有另外比一把專用刀（我唔知有無，但普通西餐廳都有一把尖銳d嘅專用刀)調味方面薯蓉味道非常好但塊牛真係非常鹹咁都無咩好講試到伏最後2個人埋單hkd$800 女店員叫我平日晏晝再去試燒雞，我個樣真係咁勁尷尬😅。睇食評話性價比高，800比2塊咁樣質素牛比我叫高咩？可能除左牛扒其他嘢食真係好好味。但各位如果想食牛扒嘅話呢間唔建議。