Outback Steakhouse (屯門市廣場1期) (Closed)

係outback阿！！！！！好耐冇食，好開心。同左屋企人6點幾7點去食，唔知係咪太耐冇去食晚市，原本依家食晚市有限時間，入座起計90分鐘要比錢買單走。不過好彩叫完野之後上菜都好快，慢慢食都夠時間食。outback既員工training真係好好，又好態度，手腳又快，坐低左一陣就拎左黑糖包過黎，食完又主動過黎問我地洗唔洗refill，真係好好人。叫左個2-3人餐，有前菜、餐湯、主菜、意粉、飲品同甜品，真係一個好完整既餐黎，所以我地都食到好飽。個主菜係鐵板牛排加龍蝦。牛排上台戈陣係medium-rare，我自己就好鐘意啦，不過屋企人就有少少怕生，因為都比較多血水，所以佢地用塊鐵板既溫度去燒番熟DD先食，證明塊板真係好熱，D野食又夠新鮮。另外個意炒粉都好好，白汁加芝士都唔會好漏，食得好開心。