616牛肉火鍋專門店 (翠怡花園)

Open Now

Now Closed

等等等等...等熱潮降溫、等朋友得閒、等時間配合...終於機會嚟喇！呢間食店主打食牛嘅不同部位...今次先叫一個套餐，因為樣樣都可以試少少，下次散叫嘅時候就知道點樣order喇。套餐可以二至三人食，當中包括一籃蔬菜、2個烏冬、2罐凍飲蔬菜好新鮮！當然仲有主角--牛板套餐，湯底要咗清湯。牛板嘅擺盤非常吸引！而且食店更提供每一款牛肉應該烚幾耐就食得，跟住做，真係好食好多架！「牛味」都幾濃郁，不同部位嘅口感亦食到有分別。好多款係之前無接觸過，感覺特別呢！湯底有白蘿蔔、粟米、有不少牛肉連骨...之後因不停落牛肉去烚...牛味越滾越濃...呢個時候再放烏冬，隨即就有一碗mini size嘅牛腩時菜烏冬在眼前...非常美味！！回味至今！！呀！散叫的話可以用ipad落order...有需要仲有得比手提叉電添呀！除此之外，食店又好適合輪椅使用者嚟，空間幾夠大。最重要枱櫈可任意移動！裝潢都幾舒服食完離開果刻先發現有計時器，但食之前又無人比我用喎！點解呢?門口雖則望落有一級，但只要拎起果塊板，其實底下就係斜梯...所以輪椅人士要入食店係完全零難度！加上店員非常有禮貌又好客，當我去到門前就立即主動幫忙，哈！