Domon 札幌拉麵 (Closed)

星期五晚就係食拉麵, 今次去到Domon 札幌拉麵食女朋友食螃蟹拉麵, 我就食牛油拉麵, 再叫一碟煎餃子share食蟹麵同我個麵味道都係差唔多, 只係我多左塊牛油, 少左幾條蟹柳, 蟹柳試左一啖, 其實無咩特別! 不過, 碗拉麵又真係幾好食, 豬骨味香濃, 而我的拉麵因為加左牛油, 所以麵身更加滑, 食到我 shu shu 聲!芽菜, 紫菜, 粟米, 筍雖然係配角, 但熱辣辣各有各好味, 唔可以少餃子肉餡豐富, 皮唔厚, 都係有水準之作唔怪得都幾好生意, 味道唔錯!