Video
Read full review
2021-09-20
470 views
牛油果控必食 打卡一流多士🥑🍞位於中環呢間咖啡店☕️，外型好簡潔又文青，黑白色牆身，俾人一種好舒服嘅感覺🧸入到去餐廳環境都一樣都係黑白色丶木色枱櫈為主，俾人地坐低飲杯咖啡丶休閒下丶做吓手頭上嘅嘢就最適合不過☺️👍🏻嗰日同同學返完學就嚟咗呢間食個下午茶，順便傾吓計休息吓～ 我哋去嘅時段大約係四點幾，雖然係平日，不過coffeeshop都坐得好滿🥺 我哋坐嘅位都係吧枱式，相對冇咁好坐😮💨有啲邊邊嘅卡位同朋友吹水飲嘢就應該會更加舒服😌～🥑Avocado on toast w/ Poached eggs 牛油果多士 $108我同朋友都幾鍾意食牛油果，除咗健康之餘又飽肚，送麵包呢啲真係冇得輸😂✌🏻擺盤好靚好精緻，有種好高級嘅感覺，旁邊仲放咗舊檸檬，可以俾人放檸檬汁，提升個味道😋牛油果係熟透軟林林嗰種，口感最正嘅時候！！唔會硬繃繃半熟嗰種🥲試過喺其他餐廳食到呢種口感，個人真係唔係好鍾意😮💨多士放咗少少胡椒粉同杏仁，口感特別之餘，令到個味道更加豐富😝而多士就係用咗酸麵包，口感偏硬，不過好厚好脆，揸上牛油同埋蛋黃醬係件幾完美嘅多士😍返學辛苦完一日慰勞下自己真係好正☕️，不過略嫌價錢有啲偏貴🤕，因為份量唔
位於中環呢間咖啡店☕️，外型好簡潔又文青，黑白色牆身，俾人一種好舒服嘅感覺🧸入到去餐廳環境都一樣都係黑白色丶木色枱櫈為主，俾人地坐低飲杯咖啡丶休閒下丶做吓手頭上嘅嘢就最適合不過☺️👍🏻
嗰日同同學返完學就嚟咗呢間食個下午茶，順便傾吓計休息吓～ 我哋去嘅時段大約係四點幾，雖然係平日，不過coffeeshop都坐得好滿🥺 我哋坐嘅位都係吧枱式，相對冇咁好坐😮💨有啲邊邊嘅卡位同朋友吹水飲嘢就應該會更加舒服😌～
🥑Avocado on toast w/ Poached eggs 牛油果多士 $108
我同朋友都幾鍾意食牛油果，除咗健康之餘又飽肚，送麵包呢啲真係冇得輸😂✌🏻
擺盤好靚好精緻，有種好高級嘅感覺，旁邊仲放咗舊檸檬，可以俾人放檸檬汁，提升個味道😋
牛油果係熟透軟林林嗰種，口感最正嘅時候！！唔會硬繃繃半熟嗰種🥲試過喺其他餐廳食到呢種口感，個人真係唔係好鍾意😮💨
多士放咗少少胡椒粉同杏仁，口感特別之餘，令到個味道更加豐富😝
而多士就係用咗酸麵包，口感偏硬，不過好厚好脆，揸上牛油同埋蛋黃醬係件幾完美嘅多士😍
返學辛苦完一日慰勞下自己真係好正☕️，不過略嫌價錢有啲偏貴🤕，因為份量唔算大，不過喺中環地段同埋呢個格局嘅話都可以接受嘅～
牛油果多士
$108
26 views
0 likes
0 comments
Post
