鳥語 (Closed)

同閨蜜們去左一間主打日式輕食嘅cafe食晚飯，八點已經幾乎坐滿。我地人多所以被安排坐榻榻米，但座位比較狹窄，坐得不太舒服。食物選擇不多，最興奮莫過於見到一系列牛油果菜式。本來對牛油果溫泉蛋多士充滿期望，多士塗上牛油果蓉賣相吸引，但切落去嘅時候發現多士唔脆之餘仲好實，頓時大打折扣。第一次食Taco飯，飯上舖滿肉醬同墨西哥脆片，仲有大量沙律菜。將飯同所有配料撈勻，味道豐富，配上微辣肉醬更惹味。明太子意粉出乎預料地好食，意粉軟硬適中，每條沾上明太子忌廉汁，明太子帶少少辣，整體唔會太膩。但係三文魚子偏鹹，份量可以減少。飲落淨係感覺到有紅菜頭，配搭上可以再調整一下。