Felice Cafe & Pasta (Closed)

喺銅鑼灣行完街，又係時候支持一下黃店💛牛油果卡邦尼意粉🥑牛油果x卡邦尼算係幾創新嘅配搭，決定大膽試一試，一開始都諗會唔會比較清淡，點知係完全相反，完熟嘅牛油果加上忌廉汁，再拌埋蛋黃令意粉嘅口感非常rich，好有驚喜嘅配搭🥑🥚蟹肉鹹蛋黃意粉🍝一捧到嚟就聞到鹹蛋黃香氣撲鼻，賣相亦都吸引，望見好多一絲絲嘅蟹肉同鹹蛋黃顆粒，係用真蟹肉而不是蟹柳🦀起沙嘅靚鹹蛋黃鹹香惹味，意粉炒得乾爽，可能因為無汁，就算落咗鹹蛋黃都唔會覺得好滯，好食👍Latte☕️面頭嘅foam厚咗啲...Oreo碎草莓乳酸🍹酸酸甜甜，好啱配上面嗰兩款比較濃味嘅意粉😎