Cs' Bakery

Open Now

Now Closed

喺朋友介紹下嚟到呢間Cafe仔。Cafe用藍、白色做主調，有啲希臘小屋嘅感覺。All day breakfast喺香港愈嚟愈受歡迎，呢間cafe嘅配搭幾啱我口味。兩塊外脆內軟嘅麵包都係手工麵包，內層濕潤黏韌，特別係合桃紅梅呢款又有咬口又香，可惜cafe冇賣麵包~手工麵包單獨食已經好正，配埋我最愛嘅牛油果醬更加昇華。牛油果醬好新鮮，而且混入咗粗粒牛油果，食落更有層次~再加埋較黃、味道較濃嘅旋風滑蛋、油香十足嘅parma ham、雜菌同香腸，成個all day breakfast夠晒豐富。白汁煙三文魚意粉醬汁好creamy，鹹甜度恰好。煙三文魚份量十足，比起唔少cafe足料好多。意粉吸滿醬汁，又夠黏韌~呢度飲品選擇都唔少，有花茶、咖啡、latte...榛子咖啡微苦，入口香滑，有淡淡榛子香。但講到吸引都係呢杯咁可愛嘅兔兔特濃朱古力~呢度嘅熱飲都會由咖啡師精心手繪圖案，人人唔同。好彩嘅話咖啡師仲會繪出客人嘅樣，收到一杯獨一無二嘅咖啡，夠晒warm~甜品方面cafe有做開外賣蛋糕西餅，所以質素相當有保證。千層蛋糕嘅cream有別於坊間偏甜嘅做法，呢度嘅淡忌廉味較濃，食得到奶香，連埋18層嘅餅皮，