牛涮鍋 (Closed)

星期六行完將軍澳吉之島，順便去旁邊嘅Mou Mou Club食牛涮鍋午餐。 好似响二月頭先由明星剪彩，新簇簇咁。 大人$78，小童$68，有昆布、清湯和泡菜三個湯底揀，牛肉、豬肉“任點任食”，其他要自己出去攞，大約有二十款, 有烏冬、牛炒飯、日式年榚等主食，蔬菜有金姑,、冬姑、粟米、豆腐和蘿蔔等，強調係有機蔬菜。 除此之外，仲有腐皮、獅子狗魚蛋、芋絲同蟹柳等可選擇。 每人有一杯飲品兼有綠茶、豆腐、黑芝麻同云呢拿雪榚做甜品。 限時一個鐘，夠鐘會有人通知。雖然話牛肉、豬肉係“任點任食”，但係就上得好慢，建議大家提早order，牛肉當然唔係乜嘢A4、A5貴價貨啦，以咁嘅價錢都算唔錯囉！ 日式年榚烚完溶溶地軟淋淋，靚！ 粟米勁甜，必試！ 雪榚雖然任攞，但係就拔晒好耐都未refill，似乎有D待慢噃！ 埋單$235.4，三個人可以食到日式自助火煱都算抵。