Video
Read full review
2017-04-24
389 views
牛牛牛！天下邊個唔愛牛！作為牛魔王，我最愛既紅肉係牛。雖然牛肉俾人話佢對皮膚唔好，但唔好忘記佢都有豐富既肌紅蛋白，對增加肌肉好有幫助；其鐵質亦係血紅素既優質來源之一。小弟同同事做到隻牛咁，都要食返餐勁既。今晚特登黎到位於大埔既616牛肉火鍋專門店食牛！實行牛牛圍牛爐！店鋪位於翠怡街3號翠怡花園B座地下，唔係大街上，要轉入大廈與大廈間前地，一個唔覺意好容易會miss左。室內環境光猛，乾淨(連地板都lap lap ling)，陳設簡約，仲有照顧小朋友既櫈仔，幫襯既都係街坊，同店員有傾有講，係人情味啊哈利！調味吧任你選，最特別既係牛肉汁，係店鋪自製既秘方，甜甜地，配合甘桔和牛肉同食非常有新意。餐廳會有呢張紙教客人點食成隻牛，又可以知點先算唔會過火，又可以學下不同位置既名稱，真真有意思！最好既係：紙上面仲有醬汁同唔同既牛肉部位配搭，教得咁仔細，想唔個個變食家都難啦！牛全部都係牛！金花趾即牛後小腿，僅佔整頭牛的2%，非常矝貴，佢既筋係咁多牛肉部分中（隨牛筋本身）最多，有韌勁！三花腱 相比起金花趾，雖然冇咁稀有，但筋肉分佈平均，而且肉味更濃，更得我歡心！滾8-10秒仲保持到大大塊，口感最佳！牛心椗
小弟同同事做到隻牛咁，都要食返餐勁既。今晚特登黎到位於大埔既616牛肉火鍋專門店食牛！實行牛牛圍牛爐！
店鋪位於翠怡街3號翠怡花園B座地下，唔係大街上，要轉入大廈與大廈間前地，一個唔覺意好容易會miss左。
室內環境光猛，乾淨(連地板都lap lap ling)，陳設簡約，仲有照顧小朋友既櫈仔，幫襯既都係街坊，同店員有傾有講，係人情味啊哈利！
調味吧任你選，最特別既係牛肉汁，係店鋪自製既秘方，甜甜地，配合甘桔和牛肉同食非常有新意。
餐廳會有呢張紙教客人點食成隻牛，又可以知點先算唔會過火，又可以學下不同位置既名稱，真真有意思！最好既係：紙上面仲有醬汁同唔同既牛肉部位配搭，教得咁仔細，想唔個個變食家都難啦！
牛全部都係牛！
金花趾
$48
18 views
0 likes
0 comments
即牛後小腿，僅佔整頭牛的2%，非常矝貴，佢既筋係咁多牛肉部分中（隨牛筋本身）最多，有韌勁！
三花腱
$48
26 views
0 likes
0 comments
相比起金花趾，雖然冇咁稀有，但筋肉分佈平均，而且肉味更濃，更得我歡心！滾8-10秒仲保持到大大塊，口感最佳！
牛心椗
$48
10 views
0 likes
0 comments
牛既血管。爽口係爽口，脆口係脆口，但比較難沾上湯汁，要靠豉油或牛肉汁先有味，如果就咁焯熟冇給味道，不過口感真係幾得意。
封門柳
$48
25 views
0 likes
0 comments
有食開牛既朋友一定聽過。每隻牛只有兩塊，油香，肉香同時散發出來，肉味香甜而一點也不膩！
尾龍
$48
26 views
0 likes
0 comments
即牛臀肉，全為嫩肉，雖脂肪含量低，但肉味最濃。其實我放到最後先食(即放左都成個半鐘)，但都冇話俾冷氣吹到d肉乾曬死曬，仲好嫩滑好香牛肉味，加埋甘桔牛肉汁仍然係一絕。
黑栢業
$48
16 views
0 likes
0 comments
只淥8秒既黑栢葉非常爽口，同樣係牛既胃部，黑栢葉比金錢肚有咬口，但吸收湯汁既能力較弱，不過只點沾上少少辣椒豉油經已好美味。
牛膀
$48
12 views
0 likes
0 comments
其實自己比較少食，不過見同事食得咁開心，我又食埋一份，又幾新鮮喎！口感就好似食緊沙沙地既豬潤咁，香味卻係牛酥味。
牛肚
$48
18 views
0 likes
0 comments
淥幾下已經軟熟，但如果由頭滾到尾質感唔會有太大變化，不過可以吸盡天地日月精華，我指湯汁
最後食埋個稻庭烏冬加芝麻醬，完美！
Other Info. :
店員好好傾，又好服務！
(The above review is the personal opinion of a user which does not represent OpenRice's point of view.)
Post
