一盛極牛 (Closed)

尖沙咀一向多拉麵店，聽講黎緊會有幾間過江龍進駐真係十分期待。一盛極牛就先打響頭炮，以極品A5和牛作賣點，配以牛骨高湯及鮮蛋麵，單單係呢個組合已經令愛牛人士心動。極牛拉麵，因為食真啲牛湯嘅味道所以所有配料都揀左半分，減低對牛骨湯嘅影響。睇住師傅由切牛到盛湯都一絲不苟，未食都加分俾佢了。牛骨飲落清爽，雖然唔係豬骨湯咁會呈現奶白色，但淡棕色嘅湯頭味道十分濃郁甘香。和牛刺身經伙記提點，唔好浸係個湯裡面太耐，否則牛脂會溶得太快，牛肉就會變韌的了。果真輕輕浸過嘅和牛十分嫩滑細緻，配上偏硬身蛋麵，整個組合配搭上黎好好食。溏心蛋真係做到七成熟，入味之餘蛋濃郁。令到蛋麵食落更香口。飲埋支波子汽水，真係十分正。呢度以日式酒館佈置，同時又放住日劇歌曲令人彷彿置身日本街角一般。