牛石料理 (Closed)

我同男朋友就係被呢間店既生猛海鮮吸引住，門口放晒啲游水既海鮮係度，好吸睛呀！我地首先叫佐龍蝦刺身，龍蝦刺身都幾鮮甜，刺身既肉幾嫩，有啲咬口，一啲都唔腥，點小小豉油去食就仲岩，可以帶出龍蝦既鮮味🤩🤩之後叫佐海膽杯，海膽杯充滿三文魚籽，面頭有幾舊海膽，三文魚籽同海膽好夾，都係咁鮮味，一齊食口感好好，再加埋唔會好多既壽司飯，勁好味呀😍😍另外再叫埋魷魚海膽壽司，赤身壽司，海螺壽司，魷魚幾煙韌，加上上面鮮滑既海膽，一齊食好爽；赤身既魚肉係有啲筋既，唔會太滑，但反而有啲咬口，魚味都好鮮；海螺充幾爽脆，口感幾好，都係鮮味😚😚最後再叫佐蟹粥，蟹粥都幾大鍋，金黃色既粥一睇就知用佐好多蟹膏去煲出黎，蟹味香濃，啲粥好綿密，口感好好🥸🥸