德發牛丸粉麵

Open Now

Now Closed

德發，廿幾年前已經開始幫襯，但係喺天橋底，冇冷氣，夏天千祈唔好嚟，食完一定成身汗。咁啱做嘢經過，諗起電視睇過話國熟食檔重開，就嚟重溫德發牛丸。見到雙拼同價，又叫咗個粗丸牛什麵。湯，一向沒有期望。牛蒡，薄薄一片，比較鹹，亦不起粉；大腸，夠林，入味；牛肚，炆得太郎散散地；最正都係牛筋丸，夠爽彈，有牛味。👍麵質中上，冇鹼水味，都算彈牙，加少少紅醋好好味。仲有個辣椒油，有少少特別，有少少似加咗豆瓣醬的混合體，夠辣，但唔夠香。唯一投訴，就係支可樂，問咗靚女可樂夠唔夠凍，夠凍才落單，可惜嚟到只係凍凍地，唔夠爽🙅📣注意，逢星期三休息，唔好摸門釘。