肥仔記麵家

Open Now

Now Closed

因趕時間，中午到附近呢間麵店解決。店舖尚算乾淨企理，點了一碗牛筋河，等了大概5分鐘就有得食。碗面上枱既時候睇落賣相正常，牛筋份量ok，色水正常，心諗味道應該不會出事掛...用筷子夾起一舊牛筋，就知道唔多對路，隔住筷子都feel到佢好硬，咬落去類似食緊雞軟骨既口感，每一舊都係咁😅，可能牛筋太好賣，炆唔切？至於面同湯就不過不失。埋單$38。總結：餐廳適合要方便、求其搵嘢食醫肚既人，地理位置近地鐵出口，處於尖沙咀鬧區。