Video
Read full review
2018-04-05
394 views
聞名已久，終有幸一會，牛精興奮無比。呢間小店係自助形式，就係舊式港式快餐店一樣，先到收銀處點餐付款，店員會講個號碼，直到餐點完成，就會叫號碼，客人自己到櫃面取餐。其實講講下，發現同而家麥當勞一樣，分別在於人同機器。牛蓋店舖細細，客人俾錢後坐返埋位都會聽到店員叫號碼，同埋飯餐類係預左佢要啲時間，大家都自然坐低慢慢等；反之麥當勞想由快餐轉型，利用各式各樣嘅冰冷機械斷絕人嘅溝通，辯稱新世代體驗、更方便自在，但90%客人食得麥當勞只係貪佢快，推出各式各樣嘅服務其實就係要客人自己做多啲、等耐啲，想洗脫快餐店形象，結果劣評如潮，自助點餐機步驟繁複，客人點餐後要企定定等餐，全程與人類冇需交流，新世代就係孤獨體驗？等左大概十分鐘，飯餐已準備好，同行友人點左牛肉蓋飯，眼看就好似吉野家牛肉飯，但明顯色澤較淺，牛肉比軟細塊但份量都多，友人話想要牛肉汁，其實我好討厭呢種做法，當你從未接觸過呢碗飯，見到佢淺色啲，冇咩汁就話要加呢樣加果樣，點解唔試一啖先，去品嚐食物原味，了解一下廚師想帶出嘅味道呢？如果只按你口味去煮，貢呢個世界就只會有一位廚師，果位就係伯母。友人問店員有冇牛肉汁（當然冇啦）或者豉油，店員就俾左一
呢間小店係自助形式，就係舊式港式快餐店一樣，先到收銀處點餐付款，店員會講個號碼，直到餐點完成，就會叫號碼，客人自己到櫃面取餐。
其實講講下，發現同而家麥當勞一樣，分別在於人同機器。牛蓋店舖細細，客人俾錢後坐返埋位都會聽到店員叫號碼，同埋飯餐類係預左佢要啲時間，大家都自然坐低慢慢等；反之麥當勞想由快餐轉型，利用各式各樣嘅冰冷機械斷絕人嘅溝通，辯稱新世代體驗、更方便自在，但90%客人食得麥當勞只係貪佢快，推出各式各樣嘅服務其實就係要客人自己做多啲、等耐啲，想洗脫快餐店形象，結果劣評如潮，自助點餐機步驟繁複，客人點餐後要企定定等餐，全程與人類冇需交流，新世代就係孤獨體驗？
牛肉蓋飯
69 views
0 likes
0 comments
等左大概十分鐘，飯餐已準備好，同行友人點左牛肉蓋飯，眼看就好似吉野家牛肉飯，但明顯色澤較淺，牛肉比軟細塊但份量都多，友人話想要牛肉汁，其實我好討厭呢種做法，當你從未接觸過呢碗飯，見到佢淺色啲，冇咩汁就話要加呢樣加果樣，點解唔試一啖先，去品嚐食物原味，了解一下廚師想帶出嘅味道呢？如果只按你口味去煮，貢呢個世界就只會有一位廚師，果位就係伯母。
友人問店員有冇牛肉汁（當然冇啦）或者豉油，店員就俾左一碗仔佢，幾經勸告下佢先唔落豉油，入口發現牛肉濃香帶甜，軟腍冇筋，飯底濕潤，根本唔需要再落汁料，所以真心希望各位唔好先入為主，覺得淺色就係淡味，整色整水只會破壞食物本質。
牛扒蓋飯
83 views
0 likes
0 comments
我就試左牛扒蓋飯（B1)，其實飯都唔少，女仔都可能食唔晒，一上枱已經聞到燒牛肉飄香，入口令人更激動，牛肉表面帶有油份唔乾身，煎至焦香，內裡充滿肉汁，羶香嘅牛味，加上炒芝麻、紫菜碎，濃而不膩，欲罷不能，牛肉汁滲到白飯裡，更加好味。
如果你唔介意店舖狹逼又鍾意食牛，真係黎試試，我都係時間計劃幫襯多次，試埋個極上牛蓋飯，睇相真係好吸引呀！
Post
