七輪燒肉 (Closed)

今日去士美非路做運動，做完都差不多7點又到食飯時間了，見到成條街都幾多野食就行下，見到燒肉都好耐冇去，朋友又冇所謂就入去試下。好彩仲有一張桌係度，不用等位就入得，我地又吾想食咁飽得滯就每樣叫少少。價錢每人$190比心目中平…又堅飽添。五品野菜盛合$68：燒野好難吾食菜，但因為我吾食得茄子……好彩待應話可以轉翠肉瓜，不用燒都好濃，乾身就食得，野菜都新鮮又夠甜。原隻魷魚$88：朋友話一定要食…勁like....黎到都幾大隻喎，仲要好厚肉，因有少少醬油關係都有味，不用任何東西味道都夠而且好大口感吾難咬。和風什錦刺身沙律$88：食燒野我反而鐘意食沙律，酸酸地開胃又吾熱氣，仲有不少刺身添，最愛青瓜，夠脆口又有醬油酸。青檸梳打$28：飲品係燒肉必備，酸酸又有氣飲完精神晒又食過。七輪香䓤和牛丼$78：沒想到咁好味，肉吾硬仲要好軟熟，米煮得剛好和汁一起食好味，䓤仲有醬汁又吾乾身，一人一半其實都已經十分飽肚，但好快我地已經食完了。