三星台菜食堂 (新城市廣場一期) (Closed)

與表姐出新城市廣場，與剛放學的女兒會合，因未試過呢間三星食台，就試試吧！叫了埔里花雕牛肉麵(牛腱炆得好淋，麵條軟硬適中，花雕都好重手，上檯已經聞到濃濃的花雕味，唯牛肉麵既靈魂”湯底”較淡，但整體上都有70分)。蕃茄牛肉麵(情況與上面一樣，湯頭較淡，唔夠濃)。雞扒魯肉飯(我冇試過，亞女話好食)。 另叫了三款小食:忘記乜乜杏鮑菇(味道還可)，鹽酥雞粒(粉較厚，鹽酥粉落得太少，味道唔夠濃，附帶的金不換也沒其獨特香氣)，三星蔥餡餅(唔夠蔥味，失去三星蔥餅的意義，而且，皮較厚。)飲品叫了芝士奶蓋金宣茶(芝士奶蓋味道很淡，如果有少少鹽吊味，相信效果更佳，茶味也較淡，飲唔出該有的茶味)。三個人埋單共$541元。另買外賣比家人，叫了一個燒肉刈包(家人說好咸)，排骨魯肉飯(家人是地道台灣人，他說不是他預期的排骨，問他覺得味道如何?他說:都是您們港式台灣食物🙄)，因外賣沒加一，收銀員主動幫我分單，共$108元。(總結: 牛肉麵唔講湯頭，都算好食既，小食就麻麻地了， 因沒影低堂食果張收據，只得簽賬單，有些食物名稱，我都忘記了，可能與店內原有的食物名稱不同，請見諒!)