十二味貴陽牛肉粉 (Closed)

之前喺銅鑼灣已經想試，但太多人排隊，所以無食到。難得奧海城開咗分店，特登嚟試下。 不過地點就有啲難搵， 要行出商場外面，先會見到間舖。 喺simplylife個門口出去，右手邊行幾間舖位，就會見到架啦。來到呢到梗係食牛肉麵， 叫左唔辣嘅清燉牛肉麵、紅燒牛肉麵。 其實我本身係食辣嘅， 但見到辣嘅麵上面有好多油， 感覺上好油膩所以無叫辣。小食就叫咗麻辣手撕雞， 麻辣木耳。個人覺得紅燒較清燉好食， 清燉牛肉麵啲牛肉切得太薄， 冇乜口感。紅燒牛肉麵肉質淋滑，好有牛肉味。叫唔辣可以試埋啲湯， 唔覺得有味精，味道不錯。整體嚟講係幾好食嘅， 但肉量偏小，性價比較低。但都會繼續幫襯的。